ദൈവവചനത്തിലുള്ള വിശ്വാസമാണ് യഥാര്‍ത്ഥ വിശ്വാസം. എന്‍റെ നീതിമാന്‍ വിശ്വാസംമൂലം ജീവിക്കും എന്ന ദൈവികവാഗ്ദാനം ഈ വിശ്വാസമുള്ളവര്‍ക്കു മാത്രമാണ് ലഭിക്കുക.
യേശുക്രിസ്തു ഏകരക്ഷകനാണെന്ന് വെറും ബൗദ്ധികതലത്തില്‍ അറിഞ്ഞാല്‍പ്പോരാ. ഇന്ന് ക്രിസ്താനികള്‍ എന്നു വിളിക്കപ്പെടുന്നവര്‍ ഈ അവസ്ഥയിലാണ്.
ദൈവത്തിന്റെ ഓരോ വാഗ്ദാനങ്ങളും സത്യമാണെന്നും അത് തനിക്ക് ലഭിക്കും എന്ന ഉറപ്പും ബോധ്യവുമാണ് വിശ്വാസം. പക്ഷെ എന്തൊക്കെയാണ് ദൈവം നല്‍കിയ വാഗ്ദാനങ്ങള്‍ എന്നറിയാതെ എങ്ങനെയാണ് അവയില്‍ ഒരുവന്‍ പ്രത്യാശിക്കുക?
മരണം സാത്താനില്‍ നിന്നുവന്ന നുണയാണെന്നും, ജീവനാണ് സത്യമെന്നും ദൈവം ഈ ലോകത്തിനു കാണിച്ചുകൊടുക്കും. അപ്പോള്‍ അവിടുന്നാണ് യഥാര്‍ത്ഥ സത്യദൈവമെന്ന് എല്ലാവരും അറിയും.
സത്യപ്രബോധനം തേടുന്ന ഒരു വിശ്വാസിക്ക് ഏതാണ് സത്യപ്രബോധനമെന്ന് വിവേചിച്ചറിയാനുള്ള വിവേചനാവരം ദൈവപിതാവ് നല്‍കും.
അവസാനകാലത്ത് നിരവധി വ്യാജപ്രവാചകന്‍മാര്‍ പ്രത്യക്ഷപ്പെട്ട് അനേകരെ വഴിതെറ്റിച്ച് നാശത്തിലേയ്ക്കു നയിക്കുമെന്ന് ദൈവവചനം സാക്ഷ്യപ്പെടുത്തുന്നു. അവസാനകാലത്ത് പ്രത്യക്ഷപ്പെടുന്ന ഈ വ്യാജപ്രവാചകന്‍മാരെ തിരിച്ചറിയാന്‍ ദൈവത്തിന്റെ ജ്ഞാനം കൂടിയേതീരൂ.
: ദൈവപിതാവിന്റെ ആഗമനദിനമാണ് അവിടുത്തെ പ്രതികാരത്തിന്റെ ദിനം. ഇതാ ഭീതിതനും സകലത്തിന്‍റെയും സ്രഷ്ടാവും ഉടയവനുമായ ദൈവപിതാവ് ശക്തിയോടും മഹത്വത്തോടുംകൂടെ എഴുന്നള്ളാന്‍ പോകുന്നുവെന്ന് സദ്വാര്‍ത്തയുടെ പ്രഘോഷണത്തിലൂടെ ദൈവം ഇപ്പോള്‍ നമ്മെ അറിയിക്കുന്നു!
ദൈവപിതാവിനുവേണ്ടി കാത്തിരിക്കുകയെന്നതാണ് ദൈവമക്കളുടെ ഏറ്റവും വലിയ ചുമതല. ദൈവപിതാവ് പ്രത്യക്ഷനാകാന്‍ പോകുന്നുവെന്ന് സദ്‌വാര്‍ത്ത മുഴങ്ങുന്നു
പരിശുദ്ധ ബൈബിളിലെ ഉല്‍പത്തി മുതല്‍ വെളിപാടുവരെയുള്ള പുസ്തകങ്ങളിലെ അനേകം ദൈവവചനങ്ങള്‍ ദൈവപിതാവിന് ശരീരമുണ്ടെന്ന് സാക്ഷ്യപ്പെടുത്തുന്നു.
© 2024. Church of Light Emperor Emmanuel Zion. All rights reserved.