മഹത്വപൂര്ണ്ണനായി വാനമേഘങ്ങളില് എഴുന്നള്ളുന്നതിനുമുമ്പ്, രക്ഷകന് ഈ ഭൂമിയിലായിരിക്കുമ്പോള്, അവനെ ദൈവമക്കള് സ്വീകരിക്കണമെന്നാണ് ദൈവം ആഗ്രഹിക്കുന്നത്. ഇപ്രകാരം ദൈവപുത്രനെ ഇപ്പോള് സ്വീകരിക്കുന്നവര്ക്കാണ് ദൈവമക്കളാകാന് അവിടുന്ന് കഴിവു നല്കുന്നത് (യോഹ. 1:12-13).
ദൈവത്തിന്റെ ഓരോ വാഗ്ദാനങ്ങളും സത്യമാണെന്നും അത് തനിക്ക് ലഭിക്കും എന്ന ഉറപ്പും ബോധ്യവുമാണ് വിശ്വാസം. പക്ഷെ എന്തൊക്കെയാണ് ദൈവം നല്കിയ വാഗ്ദാനങ്ങള് എന്നറിയാതെ എങ്ങനെയാണ് അവയില് ഒരുവന് പ്രത്യാശിക്കുക?
യേശുക്രിസ്തു ഏകരക്ഷകനാണെന്ന് വെറും ബൗദ്ധികതലത്തില് അറിഞ്ഞാല്പ്പോരാ. ഇന്ന് ക്രിസ്താനികള് എന്നു വിളിക്കപ്പെടുന്നവര് ഈ അവസ്ഥയിലാണ്.
ദൈവവചനത്തിലുള്ള വിശ്വാസമാണ് യഥാര്ത്ഥ വിശ്വാസം. എന്റെ നീതിമാന് വിശ്വാസംമൂലം ജീവിക്കും എന്ന ദൈവികവാഗ്ദാനം ഈ വിശ്വാസമുള്ളവര്ക്കു മാത്രമാണ് ലഭിക്കുക.
© 2026. Church of Light Emperor Emmanuel Zion. All rights reserved.