ದೇವ್ ಬಾಪ್ ಯೇಶು ಕ್ರಿಸ್ತ್ ಬಾಪಾ ವಿಶ್ಯಾಂತ್ ಸ್ಪಷ್ಟ್ ಉತ್ರಾಂನಿ ಶಿಕಯ್ತಾ

ತೆಂ ಸಾಸ್ಣಿಕ್ ಜಿವಿತ್ ಹೆಂ : ತುಕಾ ಎಕ್ಲಾಕ್ ಖರ‍್ಯಾ ದೆವಾಕ್ ಆನಿ ತುವೆಂ ಪಾಠಯ್ಲಲ್ಯಾ ಯೇಶು ಕ್ರಿಸ್ತಾಕ್ ಒಳ್ಕುಂಚೆಂ (ಜುವಾಂವ್ 17:3)

ಕೊಣೆಂಯ್ ದೆವಾಕ್ ಕೆದಿಂಚ್ ಪಳೆಲ್ಲೊನಾ. ಪುಣ್ ಬಾಪಾಚ್ಯಾ ಗೊಪಾಂತ್ ಆಸಾ ತ್ಯಾ ತಾಚ್ಯಾ ಎಕ್ಲ್ಯಾಚ್ ಪುತಾನ್ ಬಾಪಾಚಿ ಆಮ್ಕಾಂ ಒಳಕ್ ಕರ‍್ನ್ ದಿಲ್ಯಾ. (ಜುವಾಂವ್ 1:18)

ಸಗ್ಳೆಂ ಮ್ಹಜ್ಯಾ ಬಾಪಾನ್ ಮ್ಹಜೇ ಅಧೀನ್ ಕೆಲಾಂ; ಪೂತ್ ಕೊಣ್ ಮ್ಹಣ್ ಬಾಪಾ ಶಿವಾಯ್ ಹೆರ್ ಕೊಣ್‌ಚ್ ನೆಣಾ; ಬಾಪ್ ಕೊಣ್ ಮ್ಹಣ್ ಪುತಾ ಶಿವಾಯ್ ಆನಿ ಕೊಣಾಕ್ ಪೂತ್ ಬಾಪಾ ವಿಶ್ಯಾಂತ್ ಕಳಿತ್ ಕರುಂಕ್ ಖುಶಿ ವ್ಹರ‍್ತಾ, ತಾಚೆ ಶಿವಾಯ್, ಹೆರ್ ಕೊಣ್‌ಚ್ ನೆಣಾ" (ಲೂಕ್ 10:22)

ದೆವಾಚ್ಯಾ ಪುತಾನ್ ಪಿಂತುರಾಂ ವಾ ಚಿತ್ರಾ ವರ್ವಿಂ ನ್ಹಯ್ ದೆವಾ ಬಾಪಾಚಿ ಒಳಕ್ ಉಗ್ಡಾಪೆಂ ಕೆಲ್ಲಿ ಬಗಾರ್ ಪರಿಶುದ್ದ್ ಆತ್ಮೊ ಕೊಣಾ ಥಂಯ್ ವಸ್ತಿ ಕರ‍್ತಾಗೀ ತ್ಯಾ ಮನ್ಶಾನ್ ದೆವಾಚೆಂ ಉತರ್ ಆಯ್ಕತಾನಾ ಆನಿ ವಾಚ್ತಾನಾ ತ್ಯಾ ಮನ್ಶಾಚ್ಯಾ ಕಾಳ್ಜಾಂತ್ ಪರಿಶುದ್ದ್ ಆತ್ಮೊ ದೆವಾ ಬಾಪಾಚೆಂ ಚಿತ್ರ್ ಉಗ್ಡಾಪೆಂ ಕರ‍್ತಾ ಆನಿ ಉಜ್ವಳಾಯ್ತಾ.

ದೆವಾಚೆಂ ಉತರ್ ಸಮ್ಜಜಯ್ ತರ್ ಆಮ್ಕಾಂ ಜಾಣ್ವಾಯ್ ಮೆಳೊಂಕ್ ಜಾಯ್ (ಮಾತೆವ್ 13:9, ದಾನಿಯೆಲ್ 12:8-10)

ಪರಿಶುದ್ದ್ ಆತ್ಮ್ಯಾಚ್ಯಾ ಪ್ರೇರಣಾನ್ ದೆವಾಚೆಂ ಉತರ್ ಬರಯ್ಲಾಂ ಜಾಲ್ಲ್ಯಾನ್, ತ್ಯಾ ಉತ್ರಾಚೊ ಖರೊ ಅರ್ಥ್ ಆಮ್ಕಾಂ ಸಮ್ಜೊಂವ್ಕ್, ತ್ಯಾಚ್ ಪರಿಶುದ್ದ್ ಅತ್ಮ್ಯಾನ್ ವಾಚುನ್ ಸಾಂಗ್ಚಿ ಗರ್ಜ್. (ಹ್ಯಾ ದೆವಾಚ್ಯಾ ಉತ್ರಾ ಉದೆಶಿಂ ದೇವ್ ಕಿತೆಂ ಆಮ್ಕಾಂ ಸಾಂಗೊಂಕ್ ಆಶೆತಾ ತೆಂ) (ಇಸಾ. 34:16)

ಆಮ್ಕಾಂ ಸತಾಚೊ ಆತ್ಮೊ ಮೆಳ್ತಾನಾ ಆಮಿ ಸಂಪೂರ್ಣ್ ಸತಾಕ್ ಪಾವ್ತಾಂವ್ (ಜುವಾಂವ್ 16:13-14). ಸತ್ ಜಾವ್ನ್ ಆಸಾ ದೆವಾಚೆಂ ಉತರ್ (ಜುವಾ.17:17) ದೆವಾಚ್ಯಾ ಭುರ್ಗ್ಯಾಂಕ್ ದೆವಾಚ್ಯಾ ಉತ್ರಾಚೆ ಭರ‍್ತೆಕ್ ಪಾವಯಿಲ್ಲ್ಯಾ ಉಪ್ರಾಂತ್‍ಚ್ ತಿಂ ದೆವಾಕ್ ಪೂರ್ಣತಾಯೆನ್ ಒಳ್ಕತಲಿಂ ಆನಿ ಹೆಂ ಕಾಳಾಚ್ಯಾ ಶೆವೊಟಾಕ್ ಘಡ್ತಲೆಂ.

"ಅನಿಕ್‌ಯೀ ಜಾಯ್ತ್ಯೊ ಸಂಗ್ತಿ ಹಾಂವೆಂ ತುಮ್ಕಾಂ ಸಾಂಗ್ಚ್ಯೊ ಆಸಾತ್: ಪುಣ್ ಆತಾಂ ತುಮ್ಕಾಂ ತ್ಯೊ ವ್ಹಾವೊಂವ್ಕ್ ತಾಂಕಾನಾ. ಸತಾಚೊ ಆತ್ಮೊ ಆಯ್ಲಲ್ಯಾ ವೆಳಾರ್, ತುಮ್ಕಾಂ ತೊ ಸಂಪೂರ್ಣ್ ಸತಾಕ್ ವ್ಹರ‍್ನ್ ಪಾಯ್ತಲೊ. ತೊ ಆಪ್ಲೆಸ್ತಕಿಂ ಕಾಂಯ್ಚ್ ಉಲೊಂವ್ಚೊನಾ; ಆಪ್ಣೆಂ ಆಯ್ಕಲೆಂಚ್ ತೊ ಉಲಯ್ತಲೊ. ಹ್ಯಾ ಶಿವಾಯ್ ಫುಡೆಂ ಘಡ್ಚ್ಯೊ ಆಸಾತ್ ತ್ಯೊ ಸಂಗ್ತಿ ತುಮ್ಕಾಂ ತೊ ಕಳಯ್ತಲೊ”. (ಜುವಾ.16:12-13)

ದೆವಾಚೊ ಪೂತ್ ಹ್ಯಾ ಪೃಥ್ವೆಚೆರ್ ಮಹಿಮೆವಂತ್ ಜಾತಾನಾ ದೇವ್ ಆಮ್ಕಾಂ ಸತಾಚೊ ಆತ್ಮೊ ಫಾವೊ ಕರ‍್ತಾ.

ದೆವಾಚೊ ಪೂತ್ ತಾಚ್ಯಾ ಪಯ್ಲ್ಯಾ ಯೆಣ್ಯಾಂತ್ ಮಹಿಮೆವಂತ್ ಜಾಂವ್ಕ್ ನಾ ಬಗಾರ್ ತಾಣೆಂ ದೆವಾ ಬಾಪಾಕ್ ಮಹಿಮೆವಂತ್ ಕೆಲೊ. ಪೂಣ್ ಪುತಾಚ್ಯಾ ದುಸ್ರ್ಯಾ ಯೆಣ್ಯಾಂತ್‌ಚ್ ಹ್ಯಾ ಪೃಥ್ವೆಚೆರ್ ತಾಕಾ ಮಹಿಮೆವಂತ್ ಕರ‍್ತಲೆ.

ಹ್ಯೊ ಸಂಗ್ತಿ ಒಪಾರಿಂ ಮಾರಿಫತ್ ಹಾಂವೆಂ ತುಮ್ಕಾಂ ಸಾಂಗ್ಲ್ಯೊ. ಪುಣ್ ಯೆತಲೊ ಏಕ್ ವೇಳ್, ಜೆದ್ವಾಂ ಹಾಂವ್ ಒಪಾರಿಂನಿ ಉಲೊಂವ್ಚೊನಾಂ. ಬಗರ್ ಸ್ಪಷ್ಟ್ ಉತ್ರಾಂನಿ ಬಾಪಾ ವಿಶ್ಯಾಂತ್ ಹಾಂವ್ ತುಮ್ಚೇಲಾಗಿಂ ಉಲಯ್ತಲೊಂ. (ಜುವಾಂವ್ 16:25)

ಯೇಶು ಕ್ರೀಸ್ತ್ ಆಪ್ಣಾಚ್ಯಾ ಪಯ್ಲ್ಯಾ ಯೆಣ್ಯಾಂತ್ ಬಾಪಾ ವಿಶ್ಯಾಂತ್ ಒಪಾರ‍್ಯಾಂನಿ ಮಾತ್ರ್ ಉಲಯ್ಲೊ. ಪೂಣ್ ತೊ ಹ್ಯಾ ಪೃಥ್ವೆಚೆರ್ ಪರ್ತ್ಯಾನ್ ಯೆತಾ ತೆದ್ನಾ ಬಾಪಾ ವಿಶಿಂ ಸ್ಪಷ್ಟ್ ಉತ್ರಾಂನಿ ಉಗ್ಡಾಪೆಂ ಕರ‍್ತಲೊ ಮ್ಹಣ್ ತಾಣೆಂ ಕಳಿತ್ ಕೆಲಾಂ.

ದೆವಾಚ್ಯಾ ಪುತಾನ್ ಸಂಸಾರಿಂ ಯೇವ್ನ್ ಖರ‍್ಯಾ ದೆವಾಕ್ ಒಳ್ಕುನ್ ಘೆಂವ್ಕ್ ಆಮ್ಕಾಂ ಗಿನ್ಯಾನ್ ದಿಲಾಂ ಮ್ಹಣ್ ಆಮಿ ಜಾಣಾಂವ್. ಆಮಿ ಖರ‍್ಯಾ ದೆವಾ ಸವೆಂ ಆಸಾಂವ್; ಕಿತ್ಯಾಕ್ ದೆವಾಚ್ಯಾ ಪುತಾ ಯೇಶು ಕ್ರಿಸ್ತಾ ಸವೆಂ ಆಮಿ ಆಸಾಂವ್. ಹೊಚ್ ಖರೊ ದೇವ್; ಹೊ ಸಾಸ್ಣಿಕ್ ಜಿವಿತ್. (1 ಜುವಾಂವ್ 5:20)

ಅಶೆಂ ತರ್, ಆತಾಂ ಆಮಿ ದೆವಾ ಬಾಪಾಕ್ ಸ್ಪಷ್ಟ್ ಉತ್ರಾಂನಿ ಆನಿ ಸತಾನ್ ಒಳ್ಕೊಂಕ್ ಸಕ್ತಾಂವ್ ವ್ಹಯ್ ತರ್ ದೆವಾಚೊ ಪೂತ್ ಕೂಡ್ ಘೆವ್ನ್ ಪರ್ತ್ಯಾನ್ ಹ್ಯಾ ಪೃಥ್ವೆಚೆರ್ ಆಯ್ಲಾ ಮ್ಹಳ್ಳ್ಯಾಚಿ ಭೋವ್ ವ್ಹಡ್ಲಿ ರುಜ್ವಾತ್ ಹಿ ಜಾವ್ನ್ ಆಸಾ.

ಸರ್ವ್‌ಪದ್ವೆದಾರಾಚಿ ಭಿರಾಂತ್ ಜಾಣ್ವಾಯೆಚೊ ಆರಂಭ್, ಪರಮ್ ಪರಿಶುದ್ದಾಚಿ ಒಳಕ್‍ಚ್ ಸಮ್ಜೊಣಿ. (ಮ್ಹಣ್ಣ್ಯೊ 9:10)

ದೆವಾ ಬಾಪಾಕ್ ಏಕ್ ನಾಂವ್ ಆಸಾ ಆನಿ ಯೇಶು ಕ್ರಿಸ್ತಾಚ್ಯಾನ್ ಮಾತ್ರ್ ಹೆಂ ಭೋವ್ ಪರಿಶುದ್ದ್ ನಾಂವ್ ಆಪ್ಲ್ಯಾ ಭಾವಾ ಭಯ್ಣ್ಯಾಂಕ್ ಪರ್ಗಟ್ ಕರುಂಕ್ ಜಾತಾ. (ಇಸಾ. 52:6, ಹೆಬ್ರೆ. 2:12).

ಆತಾಂ ಆಮಿ ದೆವಾಚ್ಯಾ ಉತ್ರಾ ಮಾರಿಫತ್ ದೆವಾ ಬಾಪಾಚೆ ನಾಂವ್ ಜಾಣಾಂವ್.

ಆತಾಂ ತಾಚ್ಯಾ ವಾವ್ರಾ ವಿಶ್ಯಾಂತ್‌ಯೀ ಆಮಿ ಜಾಣಾ ಜಾಲ್ಯಾಂವ್.

ಪಳೆಯಾತ್, ಆಮ್ಕಾಂ ಆತಾಂ ಸತಾಚೆ ಭರ‍್ತೆಕ್ ವ್ಹರ‍್ನ್ ಪಾವಯ್ತಾತ್.

ದೆವಾಚ್ಯಾ ಪುತಾನ್ ಯೇವ್ನ್, ಖರ‍್ಯಾ ದೆವಾಕ್ (ದೆವಾ ಬಾಪಾಕ್) ಒಳ್ಕುನ್ ಘೆಂವ್ಕ್  ಆಮ್ಕಾಂ ಗಿನ್ಯಾನ್ ದಿಲಾಂ ಮ್ಹಣ್ ಆಮಿ ಜಾಣಾಂವ್.