KALLACHEA XEVOTTA ADIM GHODDCHEO ASAT TEO SAT GHODDNNEO

Devan hea sonvsaracho nas korchea adim sat vostu ghoddun ieunk zai.

Devachem utor sakx dita ki Sorvpodvedarachea disa, Prithum ani Mollob noxtt zatolim (2 Pedru 3:10). Punn Yesu Krist portun ieta, ani hea hea sonvsaracho xevott zauncho asa mhunn zaito kall porian, kaim zannam sangtalim, tori astanam aiz legun kainch ghoddunk na. 

Kitench naslem tantuntlean zannem sogllem rochlam Tea Devak hea sonvsaracho nas korunk konnachech porvangichi goroz na, na mhunn konnakuch Taka Tachea vavracho hixob diunk naka. Tori sat ghoddnneo ghoddlea bogor Dev hea sonvsaracho nas korcho na.

Dev nitivont ani Tacheo soglleo korneo chuki viret ani boreo (Sirak 39:16-21). Tachea sogllea kamank ek nemlolo kall asa, zo tache mit-mer naslole zannvai-en tharaila (upodexok 3:1).

Soglli rochna, Monis,soitan ani tache vaittove duth, hi srixtti, sorg, Parishudh Mai, Parishudh Atmo ani Devacho Put, Devache Khoxe khala asat. Zanche thaim Parishudh Atmo asa, jim Devachea Utrachea uzvaddant asat ani zankam deivik zannvai asa tim ho kall somzotoleant (Upodexok 8:5).

Parishudh pustokant boroun dovorlolea Devachea Utra pormonnem, xevottacho kall ieunche adim sat ghoddnneo ghoddun ieunk zai.

1. Sogllim mon’xam zannim zolmun ieunchem mhunn adinch Devan ievjilam, ani zankam Adanv-am bhitor ghatlolim asat, tim sogllim hea prithumer zolmun ieunk zai (Itihas 17:26-28, Izaias 26:18-19).

2. Devacho put Yesu Krist portun hea prithumer kuddin ieunk zai (Jn. 14:1-3, 2       Jn. 1:7).

3. Ieuncho asa tea Yesu Kristachi vatt toiar korunk, adle provadi he prithumer ieunk   zai (Izaias. 41:25-28, Zech. 4:5, Mt. 23:34, Mt. 16:13-14).

4. Krist virodhi, nasacho monis, hea prithumer zolmunk zai (2 The. 2:3-4).

5. Meleant tim punorjivont zaunk zai.  (Dan 12:2, Izaias 26:18-19).

6. Devachea tisrea rajeachi bori khobor ak’khea sonvsarant porgott korunk zai (Devachea poilea ani dusrea Rajeachem xhubvortoman hea ak’khea sonvsarant porgottun zalem) (Mt. 24:14).

7. Devacho Put Emmanuelan soglle kaide, xokti and odhikar moddun uddoun Devachem Raj Bapachea hatant diunk zai (1 Cor. 15:24).

Hantuntlem choddxem ghoddun ailem.