Church of Light
Emperor Emmanuel Zion

Church of Light Emperor Emmanuel Zion

Emperor Emmanuel Sobha, vo Sion zaun asa ek Kristi lokanchea magnneacho Kendr zo Muriyad Panchayat, Keralachea sanskritik rajdhani Trissur zillant asa. Sionacho mukhel hetu mhollear Devacho Put, Jezu Krist, tachea Dusrea Ienneachi Bori Khobor porgott korunk, ani Somiachea ienneank ek porjek toiar korun dovrunk.
Keralantlea zaitea vattarantlean, her rajeantlean ani sonvsarantlea veg-vegllea bhagantlean pasun lok Sionant Xubhvortoman aikonk zoma zatat.
Sion, jem provadianche ani apostolic poromporancher bandhun ielam tem khoinchech dusrea Kristanv dhormsobhanchea vo her sonsthanchea odhikara khala na.
Emperor Emmanuel hem Nanv Sionak kiteak dilam?
Devacho Put portun ieta tedna, Taka Emmanuel hem novem Nanv, meltolem. (Izaias 7:14)
Jezu Krist dusrea pautti ieta patkanchem farikponn korunk nhoi, punn Raiancho Rai zaunk. Raiancho Rai mhonnlear CHAKRAVORTHY zaka English-int EMPEROR mhonntat. EMMANUEL, zo zaun asa Chakravorthy, To Emperor EMMANUEL. (Hebrev 9:28, Prokasovnni 19:16)
Mhonnge, To Emperor Emmanuel, hem Nanv gheun portun aila. Mottvean sanglear, Devachea Putak Tachea Dusrea Ieneant ieukar diunk ani Tache khatir ek porza toiar korunk hi Sion sonstha sthapit kelia ani he sonsthek Tachea Nanvan, “Emperor Emmanuel Church” oxem mhonntat.

Emperor Emmanuel Sobhek Uzvaddachi Sobha kiteak mhonntat?
Jedna Parishudh Mai 1990 vorsa, Mexico ganvan dixtti poddli, Maien mhonnlem: “Devachea Putachea Dusrea Ieneant Uzvaddachi Sobha okosmat upzotoli, ji ak'khea sonvsarant Devachea Puta khatir bandhun (akarun/ ghoddun) ietoli.” Dev he sobhechea zomeak, Uzvaddachi Sobha mhonnta, kiteak tim sotmantat ani Emmanuelak svikar korunk toiar asat, zo zaun asa uzvadd, ani zo portun kudd gheun aila.
Tika Sion kiteak mhonntat?
Judev lokancho Raza David, hachea adlea Israelant zhoim raj mahal ani kil'lo aslo, tea zageachem Nanv zaun asa Sion. Mhonnlear, Sion zaun asa kil'lo zo Davidan aplea tabeant ghetlolo. Don hozar vorsam adim Jezu Krist Davidachea vonxavollin zolmololo.
Devachem Utor mhonnta:
Khorench Sorvesporan Sion-xar venchun kaddlam, tench Taka zai Aplem tthikann korunk. (Stotr 132:13)
Punn, don hozar vorsam adim Sion mhonnlolea zagear Tannem vosti korunk na. To, ghorvanchea gottean zolmolo, anik Kalvari dongrar melo.
Punn, Tachea Dusrea Ienneant To Sionan Soddvonnar zaun ietolo, patkam soddun ditat tea Jakobachea Ghoranneantleank soddounche khatir. (Izaias 59:20)
Dekhun, Provadianchea boroupam pormonnem Devachea Putachem dusre Iennem zaun asa Sionant, mhonnge, Davidachea Ghorabeant. Devachea Putak, Tachea Dusrea Ienneant vosti korunk, Devan hi Deivik mandavoll toiar korun dovorlea, Muriyad, Kerala desant. Dekhun, he sonsthek Nanv dovorlam Sion.

Khorench Sorvesporan Sion-xar venchun kaddlam, tench Taka zai Aplem tthikann korunk: “Hanga Hanv sodankal jietolom, hanga Mhojem biradd korunk Hanvem ievjilam!”

Stotr 132:13-14